CANDON CITY – Boluntario nga insuko ti maysa a barangay tanod ti maysa a paltog iti Candon Police Station ditoy idi lawasna.
Nainaganan ti barangay tanod a ni Bernardo Briones, 50, naasawaan, ken residente iti Barangay San Antonio ditoy siudad.
Personal nga insuko ni Briones ti maysa a 1-Pong iti police station ket daytoy ti naipatulod iti Crime Lab amangan no naaramat daytoy iti krimen.
Agtultuloy ti nainget a kampania ti kapolisan ditoy a pannaakaisuko dagiti kolorum a paltog para iti natalna ken naseguridad nga eleksion.#
