Paltog, naisuko

BANTAY, Ilocos Sur – Maysa a paltog ti insuko dagiti barangay officials ti Barangay Paing iti polis ditoy nga ili idi malem ti Septiembre 16.

Insuko da Barangay Captain Rodrigo Paet ken Barangay Kagawad Jaime Padre ti maysa a homemade improvised long caliber .22 kadagiti polis a nagresponde iti nasao a barangay kalpasan a nakaawatda iti tawag iti telepono manipud iti maysa nga agindeg.

Segun iti tawag, nasarakan ti nasao a paltog iti proyekto ti irigasion iti Sitio Baoay, Barangay Paing.

Naipan ti paltog iti police station para iti disposision daytoy.#