STO. DOMINGO, Ilocos Sur – Maysa a paltog ti insuko ti dua a barangay officials iti police station ditoy idi Hulio 4.
Nagturong iti police station ditoy idi agarup alas nuebe y media ti bigat ti Hulio 4 da Barangay Captain Catherine Jaramilla y Viloria, 53, naasawaan, ken Kagawad Roel Velasco y Ballesteros, 42, naasawaan, agpada a residente iti Barangay Sto. Tomas ket insukoda ti maysa a homemade buck shot nga awanan marking.
Insuko ti saanda nga innaganan a kalugaranda ti nasao a paltog a mapapati a nasarakanna iti dumpsite ti munisipio a masarakan iti nadakamat a barangay.#