Paltog, naisuko

SAN ILDEFONSO, Ilocos Sur – Dua a paltog ti naisuko iti polis ditoy idi malem ti Oktubre 26, dua nga aldaw sakbay ti eleksion.

Maysa nga agnagan Ernesto Pido, residente iti Barangay Arnap ditoy nga ili, ti nangisuko iti Caliber 22 rifle nga addaan magasin ken maysa a cal 38 revolver.

Insuko ni Pido dagiti nasao a paltog idi agarup 5:30 ti malem ti nadakamat a petsa bayat ti panagbisita dagiti polis nga indauluan ni Police Chief Inspector Jose Abaya II, hepe ti polis, kadagiti barangay nga adda iti dayaen ti ili kas paset ti kampaniada a Safe and Secure Barangay Election.

Naangay ti barangay elections itay Oktubre 28, 2013.#