Paltog, naisuko

CANDON CITY – Maysa a paltog ti naisuko iti polis ditoy idi aldaw ti Disiembre 24.

Maysa a cal. 38 revolver nga awanan marka ken serial number ti insuko da Barangay Kagawad Rolando Gabor, Sr. ken dati a Punong Barangay Francisco Tu iti polis ditoy idi agarup 9:30 ti bigat ti nadakamat nga aldaw.

Segun ken ni Gabor, maysa a dina innaganan a kalugaranda ti nangisuko iti nasao a paltog ket nagpatulong ken ni Tu a kasinsinna a nangisuko iti paltog iti police station.

Paset ti kampania ti kapolisan ditoy ti pannakapugipog dagiti loose firearms.#