Paltog, naisuko iti polis

SANTIAGO, Ilocos Sur – Maysa a kolorum a paltog ti insuko dagiti opisial ti Barangay Bulbulala ditoy nga ili iti polis itay nabiit.

Insuko dagiti opisial ti nadakamat a barangay babaen ti panangidaulo ni Barangay Captain Ruben Bumatay iti police station ditoy ti maysa a converted cal. 22 a mapapati nga insuko ti di nainaganan a kabarangayanda.

Segun iti polis ditoy, agtultuloy ti nainget a kampaniada maikontra iti panagraira dagiti illegal a paltog kas paset ti panagsaganada iti pannakaiwayat iti nadalus ken natalna nga eleksion inton Mayo 2l013.#