Paltog, naisuko

STA. CATALINA, Ilocos Sur – Tallo nga aldaw sakbay ti panangrugi ti kampania ti PNP maikontra iti loose firearms, insuko ti maysa a lalaki ti kolorum a paltogna iti hepe ti polis ditoy.

Insuko ni Immanuel Refuerzo, naasawaan, residente iti Barangay Cabittaogan ditoy ti maysa a kolorum a cal. 22 ken ni Police Inspector Pedro Rafanan iti mismo nga opisina ti hepe itay Septiembre 28.

Sakbayna, nangisayangkat da Rafanan iti miting kadagiti siam a barangay daytoy nga ili a nangallukoyanda kadagiti lumugar nga isukoda ti iduldulinda a kolorum a paltog.#