Paltog, nakumpiska dagiti polis iti search operation

NAGBUKEL, Ilocos Sur – Paltog ti nakumpiska dagiti nagtipon a bunggoy dagiti polis iti sinukisokda a pagtaengan iti Barangay Bantugo, ditoy nga ili idi agsapa ti Disiembre 8.

Nakakumpiska dagiti nagtipon nga elemento ti ISPPSC, Intelligence ti ISPPO ken polis ditoy nga ili iti maysa a GA 12 shotgun iti balay ni Franklin Quirino y Callo, residente iti nadakamat a lugar.

Imet ti search team nga indauluan ni PI Jurex Almogela Urbano iti babaen ti superbision ni C, PIB P/Supt. Panfilo Racho ken P/Supt. Emmanuel Hombrobueno Reyes, Company Commander, ti search warrant nga inyisio ni Judge Francisco A. Ante, Jr. ti MTCC, Vigan City.

Naipilan ti kaso maikontra ken ni Quirino iti opisina ti provincial prosecutor.#