Paltog, nasarakan iti sirok ti kotse

STA. MARIA, Ilocos Sur – Maysa a paltog ti insuko ti maysa a lalaki iti polis ditoy idi bigat ti Abril 14.

Boluntario nga insuko ni Jun Cabras y Anastacio, residente iti Barangay Paratong, Narvacan, ti maysa a homemade cal. 45 nga addaan iti magazine assembly a nagkarga iti lima a bala.

Segun ken ni Cabras, aksidente a naduktalanna ti nasao a paltog iti sirok ti kotsena bayat a nakaparking iti asideg ti public market iti Barangay Maynganay ditoy nga ili.

Saan nga ammo no sino ti nangikabil iti paltog iti sirok ti kotse.#