Paltog, nasukainan iti sidecar ti traysikel

CANDON CITY – Nakakumpiska dagiti polis iti paltog manipud iti sidecar ti lugan ti maysa a grupo dagiti lallaki a nainbolbar iti riri iti maysa a pagmikian idi parbangon ti Marso 13.

Nakaala dagiti polis iti Cal .380 Llama pistol a nagkarga iti 5 a bala iti sidecar ti traysikel a nagluganan dagiti suspek a da Jerald Chris Rosima, Michael Garcia, Anthony Rosimo, Marlon Gallero, Wilfred Sanchez, Julius Racuya ken Dante Sadiwa,  agpapada nga agnaed iti Palali Sur, Santa Lucia, Ilocos Sur.

Sakbayna, nakiringgor ti grupo iti sabali a grupo ket maysa kadagiti suspek ti mapapati a nangiruar iti nasao a paltog sana intungpa iti kinaririda ken kalpasanna, nagluganda iti traysikel sada naglibas.

Kinamat dagiti nagresponde a polis dagiti suspek ket nasarakanda ti traysikel ti grupo iti asideg ti City Health Office iti Barangay Calaoaan ken nakasukainanda iti nasao a paltog.#