Paltog ti polis, natakaw

CANDON CITY – Natakaw ti paltog ti maysa a polis a naikabil iti dyipna iti paradaan ti lugan sadiay Barangay San Jose ditoy siudad idi Pebrero 27.

Inreport ni PO2 Pablito Laoat, 35, polis a nakadestino iti Ilocos Sur Provincial Police Office a natakaw ti paltogna a cal .45, addaan serial number BA005523, a naikabil iti bagna nga imbatina iti driver side ti dyip nga imparadana iti parkingan ditoy siudad a para Gregorio del Pilar.

Segun ken ni Laoat, dinan nasarakan ti bagna a nakaikabilan ti paltogna idi agsubli iti luganna.#