Pamilia Marcos, naggigiddanda nagpila iti COC

LAOAG C ITY – Nagkukuyog da Congresswoman Imelda Marcos, Gob. Imee Marcos ken ni Matthew Marcos Manotoc a nagipila iti certificate of candidacy da ita nga Oktubre 16, maudi nga aldaw a panagipila iti COC.

Iti agdama, adda ni Senador Ferdinand Bongbong Marcos Jr. ditoy probinsia tapno ipaayna ti naan-anay a suportana kadakuada.

Agpailayon met laeng ni Gob. Imee a gobernador jti Ilocos Norte, agpailayon met a congresswoman iti maikadua a distrito ti probinsia ni Congresswoman Imelda Marcos ken agpailayun a Sangguniang Panlalawigan Member iti maikadua a distrito ti probinsia ni Bokal Matthew Marcos Manotoc, inaudi nga anak ni Gobernador Imee Marcos.

Naisayangkat nga immuna ti misa idiay siudad ti Batac nga inatendaran ti pamilia Marcos, dagiti kaaliadoda iti pulitika ken dagiti mangsupsuporta iti grupo.

Daytoy a panagkukuyogda ti nangpasingked iti agmaymaysa a kalikagum dagitoy nga agserbi a napudno ken mangitultuloy iti natungday nga arapaap daydi Pres. Ferdinand Marcos para kadagiti Ilokano.#