Pamilia ti matay a barangay tanod, maikkan iti tulong

CANDON CITY – Adda maited a financial assistance iti pamilia ti maysa a tanod ditoy siudad, segun iti maysa nga opisial ditoy.

Kinuna ni Engr. Naulie Cabanting, CPDO officer ditoy siudad, direkta a maited ti P20,000 a tulong a pinansial iti pamilia ti matay a tanod.

Iti kallabes, iti seguro ti paggapuan ti tulong kadagiti matay a tanod ngem kapaliiwan a saan a maar-aramat ti P100,000 nga insurance agsipud ta dua wenno tallo laeng ti matmatay a tanod iti tinawen, segun ken ni Cabanting.#