Pammagsol, nagramut iti dati a susik

MAGSINGAL, Ilocos Sur – Nabagsol ti maysa a trabahador babaen ti maysa a mangngalap iti Barangay Puro ditoy nga ili idi rabii ti Mayo 28.

Binagsol ni Sandro Narido, 40, naasawaan, natibo iti San Pablo, Laguna ken residente iti Barangay Puro ditoy nga ili, ti kalugaranna a ni Frederick Mangahas y Pada, 31, naasawaan, a mapapati a nagramut iti dati a susik.

Segun iti report, sakbay ti insidente, adda ti biktima iti uneg ti balayna idi binagsol ti suspek a mapapati nga adda iti babaen ti inpluensia ti arak iti sumagmamano a daras.

Kas resulta, nagsagrap ti biktima kadagiti sugat iti makannawan a bakrangna ken iti makannawan nga imana.

Naitaray ti biktima iti Gabriela Silang General Hospital idinto a naglibas ti suspek kalpasan ti pammagsol.

Narekobre dagiti polis ti kitchen knife nga agatiddog iti 8 pulgada agraman ti pagiggaman.#