Panadero, binagsolna ti kabsatna gapu iti babai

STO. DOMINGO, Ilocos Sur – Gapu iti babai, maysa a panadero ti nangbagsol iti kabsatna a puon ti nakaiyospitalan daytoy.

Binagsol ni Ryan Ebora y de Castro, 27, baro, panadero, ni Rowel, 30, kabsatna, maysa met laeng a panadero, gapu iti mapapati a panagimonna maipanggep ken ni Angie Torres, kaduada iti panaderia.

Segun iti report, pinagsasawan ti biktima ti kabsatna iti agkakadakes a balikas a nakaigapuan ti panagpungtot ti suspetsa ket innalana ti kutsilio sana binagsol ti manongna.

Naitaray ti biktima iti Tolentino Clinic and Hospital sa naiyalis iti Metro Vigan Cooperative Hospital gapu iti bagsolna iti kannigid a paset ti bagina.#