Panagabuso kadagiti babbai ken ubbing, apay a di malapdan? (Maikatlo a Paset)

a) kurang wenno awan ti maawat a suporta pinansial

b) panangipasa ti utang a ti  asawa a babai ti agbayad

c) pannakapilit ti babai a mangited iti amin a nateggedanna

d) pannakaipapilit ti panangpanaw wenno panagikkat ti babai iti trabahona

e) pannakaawan iti karbengan ti babai kadagiti natawid a sanikua

 

DAGITI SINTOMAS TI KINAADDA TI PANAGABUSO KADAGITI BABBAI

1) Physical signs

a) sugat, karamut, donor, bukol iti rupa, tengnged,  karabukob, takiag,  gurong,  barukong wenno mabagbagi

b) di panagsardeng ti pannakarikna kadagiti saksakiten iti bagi

c) sugat ken pannakabullo iti panawen ti panagsikog

d) limmitem a bukol wenno paset ti bagi

 

2) Emotional signs

a) managnernerbios

b) naliday

c) pannakaikkat a naminpinsan ti regget wenno essem kadagiti sigud nga ar-aramiden

d) pannakaikkat ti panagtalek iti sabali

 

3) Behavioral signs

a) naladaw a pannakaikonsulta kadagiti sinagrap; no dadduma,  awan payen ti konsultasion gapu iti panagbuteng a mapasamakto manen ti pannakapasakit.

b)  panagbarbartek no di man panagaramat iti maiparit a druga.

c) panagpakamatay

 

SINTOMAS TI KINAADDA TI PANNAKAABUSO KADAGITI UBBING

1)Physical signs

a) dina mailawlawag wenno dina  kayat nga ibaga ti puon ken gapu ti kinaaadda iti sugatna, bukol iti rupana, kammuol ken markana a ngumisit, nabtak a bibig wenno talukap dagiti matana, sadiwa man dagitoy wenno madaman nga agim-imbag.  No damagen ket dina kayat nga  ibaga ken madlaw iti rupa ti ubing ti buteng ken aligagaw, adda la ketdi mapaspasamak wenno sagsagrapenna a pannakaabuso

b) dina mailawlawag wenno dina kayat nga ibaga no apay nga addaan iti marka ti sinit ti sigarilio wenno ladam ti napudot a likido iti aniaman a paset ti bagina

c) marigatan nga  umisbo

d) dugyot wenno di managdaldalus iti bukodna  bagi

e) kumutkuttong, lumaglag-an wenno saan a nasayaat ti panagdakkelna

 

2) Emotional signs

a) naliday ken umik-ikay kadagiti gagayyemna (nalabit nga adda kayatna  nga  ilimed)

b) di makaidna ken kasla  kanayon a mabanbannog

c) nakamatmat iti law-ang weno adayo ti turong dagiti matana

d) naikkat ti interesna nga agiskuela, agay-ayam ken makipulapol kadagiti gagayyemna wenno dina kayat ti makipartisipar kadagiti aktibidad

 

3) Behavioral signs

a) mabuteng nga agawid, kaykayatna ti aggian iti langalang wenno kalkalsada

b) saan a nasayaat ti pannakigayyemna

c) panagpanggep a panagpakamatay

d) delingkuente a kababalin

e) panagbarbartek ken panagaramat iti maiparit a druga

f) naikay ken kaykayatna ti agmaymaysa

g) posible a ti mapaspasamak kenkuana ket aramidenna  met iti padana a kas dalan wenno bales

        (Adda tuloyna)