Panagabuso kadagiti babbai ken ubbing, apay a di malapdan? (Maudi a Paset)

a) sexually transmitted disease

b) panagsikog

c) panagabuso iti arak wenno iti maiparit a druga

d) partial wenno permanenten ti kinaadda ti depekto ti pisikal a bagi wenno iti isip

e) aborsion wenno panagparegreg iti sikog

f) pannakaalis ti sikog

g) pannakapukaw ti simbeng ti panunot

h) pannakapukaw ti nasimbeng a panunot

i) panagpakamatay

j) pumatay

Iti panagadal kadagitoy a mapaspasamak, limtuad dagiti sumaganad a datos:

a)   Saan laeng a maymaysa ti pagtaudan dagiti tattao a nangaramid ken mangar-aramid iti panagabuso kadagiti babbai ken ubbing no di  amin a socioeconomic classes (baknang man wenno napanglaw), iti amin a puli, kultura, ken level iti nagteng nga edukasion (titulado man wenno nababa ti edukasion a naragpatna) ken saan a nailaksid iti aniaman a relihion.

b) Ad-adda a dagiti nagballigi a lallaki iti propesionda dagiti agiwaywayat iti panagabuso iti asawada.

c) Saan a garantia ti ayat tapno saan a makasagrap iti pannakaabuso.

d)  Saan a kontrol ti babai a maab-abuso ti situasion.

e) Dakkel la unay ti epekto kadagiti ubbing ti bayolente a pagteng iti pamilia.

f)  Mapasamaak iti amin (baknang man wenno nakurapay),  iti amin a  lugar ken panawen ti pannakapilit wenno reyp.

g)     Pilien dagiti mammilit wenno rapist ti biktimaenda – dagiti babbai a nakapsut iti man pisikal ken iti emosional, saan ket a ti panagkawkawes wenno kinaadda ti dana ti posible a pannakaidadanes

h) Pudno ti ibagbaga dagiti ubbing a pannakaabusoda kontra kadagiti nataengan.

i)      Posible a mapasamak ti incest iti man babai ken lalaki.

j)      Bassit laeng ti bilang dagiti agab-abuso a ganggannaet, kaadduanna ti asideg iti pamilia wenno kameng a mismo ti pamilia.

 

Ania dagiti aramiden ti maysa nga umili iti pannakapaliiwna nga adda  mapaspasamak a panagabuso?

a)   umawag wenno ireportna kadagiti opisial ti barangay

b)     tulonganna ti biktima a dumatag iti doktor, kadagiti barangay opisial, polis, DSWD ken dadduma pay a pagpatulongan.

c) panangaywanna iti mismo a biktima wenno ti annakna.

d)     denggenna dagiti palawag ti biktima tapno maiyebkas daytoy  ti sentimientona.

e) kuyogenna ti biktima a komunsolta  kadagiti eksperto iti pammagbaga wenno guidance counselor wenno kadagiti dadduma pay a sanga  ti pammagbaga (psychiatrist, psychologist, psychotherapist ken dadduma pay).

f) panangipaayna ti pammateg a sapsapulen ti biktima.

g) panangipakitana nga   adda tumulong iti biktima.

h)  panangipasiguradona iti biktima a saan a mabaybay-an ken adu dagiti sidadaan a  tumulong kenkuana.

i) panangipasiguradona nga awan ti pagbasolan wenno basol ti biktima iti napasamak wenno mapasamakto tapno malawlawagan ti isipna

 Agtultuloy pay laeng ti panagabuso a sakit iti gimong a nasken nga ikkan iti naan-anay nga atension. Laglagipen koma a ti pagtaengan ti kabassitan a porma ti gobierno. No  saan a naannayas ti panagbiag iti kabassitan a porma, anianto la  ngatan iti dakdakkel a porma a kas iti gobierno?#