Panagbayad iti PhilHealth premiums, nalaklakan

Nalaklaka ken naparpartak itan ti panagbayad iti premium iti Philippine Health Insurance Corporation wenno Philhealth, segun ken ni Francis Canosa, provincial manager ti Philhealth-Ilocos Sur.

Kinuna ni Canosa a malaksid iti bangko ken opisinada, addan dagiti natudingan a kompania ken ahensia nga umawat kadagiti binulan a premiums a bayadan iti Philhealth.

“Mabalinen ti miembro ti agbayad iti Postal Office, Western Union ken uray iti establisimiento a kas iti Savemore,” kinuna ni Canosa.

Inlawlawagna a nupay mabalin dagiti miembro ti agbaya iti opisinada, mabalinen dagiti natudingan nga opisina ken bangko nga agawat iti pagbayad dagiti miembro iti premiumda. (Danny Antalan)