sinursuran-banner-sqSinursuranNi Jobert M. Pacnis

Panagbaybay-a Wenno Kinasukir?

Kolum: Sinursuran

Ni Jobert M. Pacnis

 

 

NO maminsan, adda dagiti pasamak a ditayo namnamaen. Kellaatda pay ngarud a dumteng. Ket ditayo a nakapagsagana. Ala, nasayaat laeng no daytoy a pagteng, mangipaay iti pakaragsakan wenno pannakapnek. Ngem kasanon no maysa a trahedia ti awit daytoy a pasamak?

Itay nabiit, nagbalin a ramen dagiti damag ti pannakalmes ti agkakapamilia iti maysa a karayan iti probinsia ti Pangasinan. Ti naragsak a panaglalangoy, panagkakadua, nasukatan iti nakana a limdo kadagiti pamilia dagiti biktima. Trahedia daytoy a mangrunot iti pigsa ti pakinakem dagiti maseknan no sanda a malabanan dayta liday.

Ti yanna manen nga adat, di pay nagmawmaw, no koma pandesal, kapudpudotan pay la dayta a pasamak, idi malmes manen ti dua pay nga ubbing iti isu met laeng a karayan. Segun iti damag, napan dagiti biktima iti karayan tapno agsursuroda nga aglangoy. Ti dakesna, inibbatan kano ti mangsursuro ti agsursuro nga aglangoy iti naadalem a paset ti karayan. Dita metten a nalmes. Inarayat ti maysa ngem ti pagdaksanna, nairaman met daytoy a nalmes. Natayda a dua.

Kadagiti kastoy a pagteng, saanen a masapul ti panagpinnabasol. Agbalin koma ketdi dagitoy a paratignay kadagiti maseknan tapno saanen a maulit ti trahedia.

Iti met biang dagiti otoridad, mangipaulogda koma kadagiti nainget a pagannurotan wenno linteg a mangtagiben iti karadkad dagiti umili kadagiti kastoy a lugar. Saan laeng a pagpa-macho iti imatang dagiti iturayan. Addaan koma iti ngipen dagita a linteg tapno iti kasta mapagnumaran ti amin. Kas koma iti pannakaipan ti ballaag a narisgo ti aglangoy kadayta a paset ti karayan. Ta segun met laeng iti damag, saan a dagita a dua a nagsaruno a trahedia ti immuna a kasta a napasamak.

No kasta ngarud, masapul a nagtignay koma idin dagiti otoridad tapno maliklikan dagiti kakasta pay a trahedia.  Ngem kas nasao itayen, saanen a nasken ti pinnabasol. Panagtignay ketdi tapno saanen a maulit pay dagitoy a pagteng.

Kadagiti met nagannak, nupay kunatayo a saanen nga ubbing dagiti annaktayo, saan met latta a mailaksid ti kinapateg ti pannarabay wenno pammagbaga kadakuada. Agnanayon koma dayta kinnayammet ti tunggal kameng ti pamilia tapno maliklikan dagiti trahedia.

Ala, mabalin a kunaen a nalabit adda suksukir dagiti biktima ta nagpilitda latta a napan naglalangoy nupay pinaritan ida dagiti nagannak kadakuada ta di met limed kadakuada dagiti napaspasamaken a pannakalmes kadayta a karayan. Ngem maysa met a kinapudno nga adu nga ubbingen ti mangipatpatuleng iti pammagbaga dagiti dadakkelda. Ngem saan a rason daytoy tapno saan a maitudo dagiti nagannak iti dakes a napagtengda.

Makita ngarud latta ditoy ti kinapateg ti agtultuloy a pannakilangen, panangammo iti karirikna dagiti annak. No maammuan ti riknada, ket maala daytoy, saan a karkardayo nga agtungpalda kadagiti ania man a pammagbaga kadakuada.

No di maliklikan ti kastoy nga ipapan iti paglinglingayan aglalo kadaytoy a bakasion, siguraduen koma dagiti nagannak a dida isina ti imatangda kadagiti annakda. Ta kunada ngarud, ti  disgrasia ket kellaat a sumangbay. Ket napateg ti panagsagana.

ITA a masursurat daytoy, adda pay laeng iti ospital ‘diay siudad ti Tuguegarao ti balasitang nga anak ti kapurokanmi a napaltogan.

Katurturposna daytoy nga ubing iti elementaria itay panagririkep ti klase. Iti Manila ti nagbasaanna ta pagbasbasaen ti antina sadiay gapu iti rigatda a sangapamilia.

Pasado ala una iti malem ti Abril 12 idi agkakaribusoda iti dayaenmi. Nakitak lattan a maysa nga ubing ti sinakruy ti kasinsinko nga ilabas iti daya ti balay tapno itarayda iti ospital. Naimbag ta apagisu nga adda idi ni kayong a naggapu a nagpasada ket daytoyen ti nangilugananda a nangitaray iti ubing.

Awan dagiti nagannak ti balasitang ta adda dagitoy iti trabahoda (aggian iti glass supply ti amana idinto a napan iti talon ti inana).

Nakapaltog iti ubing?

(Adda tuloyna)