Panagkapon dagiti baka, naisayangkat

VIGAN CITY – Nangisayangkat ti City Veterinary Office iti panagkapon kadagiti baka iti Barangay Pantay Laud ditoy siudad itay Abril 13.

Kinuna ni City Veterinarian Liborio Arca nga agtultuloy ti panagisayangkatda iti panagkapon dagiti animal kadagiti barangay ditoy siudad kas paset ti serbisio ti opisina nga idadauluanna.

Innayon ni Arca a no makapon dagiti taraken a baka, nadardaras ti panagdakkelda ken panaglukmegda agsipud ta mamentenerda dagiti calories nga ipapaunegda.

Kinuna ti city veterinarian a kangrunaan a tarigagay ti agtaraken iti baka ti  nadardaras a pannakapasublina  iti pinagpuonanna ket magun-odna dayta babaen ti panangpakaponna iti tarakenna nga animal.#