SAN VICENTE, Ilocos Sur – Imbes a mapasamak ti panagkappia, nagtungpal ketdi iti pammagkong.

Saanen a naidanon ti biag ni Adonis Domingo, 21, naasawaan, residente iti Brgy. Lubong, tricycle driver, kalpasan a binagkong ti maysa kadagiti kinaririna.

Iti report manipud iti polis, pinaayaban ti kapitan ti barangay ti Lubong ni Domingo tapno agkappiada ken ni John Paul Carmelo a nakaririna iti napalabas.

Ngem saanen a natuloy ti panagsangoda iti barangay hall ta nagranget ti biktima ken ni John Paul Carmelo ken dagiti kakadua daytoy a pakairamanan da Arnel Reclusado, ken ni Johnson Carmelo.

Segun pay iti report, nagtaray ti biktima ngem kinamat dagiti suspetsa agingga a naipiskotda iti Barangay Tamurong ket maysa kadagiti suspetsa ti mapapati a nangbagsol iti biktima iti likud.

Naitaray ni Domingo iti St. James Hospital ngem naideklara a dead on arrival.

Inaresto dagiti polis ti Sta. Catalina dagiti suspetsa sada inyawat iti San Vicente PNP.