Footer

Panagminas, maad-adal

QUIRINO, Ilocos Sur – Ad-adalen ti gobierno munisipal ditoy no patganna wenno saan ti aplikasion ti maysa a dakkel a kompania nga agminas ditoy nga ili.

Maysa a kitkitaen dagiti agtuturay nga idauluan ni Mayor Clifford Patil-ao no makaapekto ti panagminas ti nasao a kompania iti aglawlaw ditoy nangruna kadagiti barangay a  pagminasanna.

Adda maisaysayangkat ditoy nga small scale mining ket gapu ta adda dagiti maalada a balitok, naguyugoy ti maysa a  kompania ti minas nga agminas iti daytoy nga ili.

Naduktalan nga adda dagiti balitok iti bantay iti nagbaetan ti Barangay Patiacan ken Sitio Pangweo ket nagbalin daytoy a pagsapulan dagiti agindeg.

Iti napalabas, adda dagiti mapan agyukyok iti igid ti Abra ken Balas-iyan River ket ditoy a makaurnongda iti balitok.#