STO. DOMINGO, Ilocos Sur – Binulanen a maisayangkat ti panagpamula iti kayo ti gobierno munisipal ditoy.
Napag-aanamongan dagiti konsehal bayat ti panagsessionda ti panagpamulada iti kayo kadagiti napili a lugar wenno iti kabakiran a paset daytoy nga ili tunggal maikadua nga aldaw tunggal bulan.
Nangrugi ti binulan a panagmula iti kayo a binirngasanda iti Arbor Day itay Agosto 2.
Ti panangpaberde ti aglawlaw ti maysa kadagiti nangruna a programa ti gobierno munisipal ditoy iti sanguanan ti mapaliiw a panagbara ti lubong.#