Panagmula iti mangrove, naisayangkat iti dua coastal barangay

CABUGAO, Ilocos Sur – Naisayangkat itay nabiit ti panagmula iti mangrove iti dua a coastal barangays ditoy nga ili.

Kinuna ni Municipal Environment and Natural Resources Officer Edgar Balangatan a 45,000 a mangrove iti naimula iti Barangay Pug-os ken 35,000 mangrove ti naimula iti Barangay Salomague.

Innayon ni Balangatan a naipakat pay iti panagdalus kadagiti nasao a coastal barangays tapno makita no adda pay dagiti lugar a mamulaan iti mangrove.

Napintas nga imula ti mangrove kadagiti coastal barangays agsipud ta dakkel ti maitulongda iti pannakatiped ti pannakakarakar ti igid ti karayan wenno baybay a puon ti pakalayusan ti lugar.#