CABUGAO, Ilocos Sur – Ti panagaramid iti asin ti maysa kadagiti industria ti pagtaengan a kayat ni Vice Governor Deogracias Victor Savellano a mapadur-as.

Kinuna ken ni Savellano nga adda sumagmamano nga agar-aramid iti asin iti Barangay Pug-os ket iyad-aduda koma pay ti produktoda tapno dumakkel daytoy nga industria.

Naammuan ken ni Savellano nga adda maysa a restaurant iti Manila nga aggatgatang kadagiti asin nga aramid iti nasao a barangay ket mailakoda iti Sison, Pangasinan.

Kinunana a maibilang a bassit daytoy nga industria ngem no maikkan iti napintas a presentasion, agbalin ti Barangay Pug-os a maysa kadagiti destinasion iti probinsia.#