Footer

Panagsanay iti panagmasahe, naisayangkat

VIGAN CITY – Nangipaay ti gobiernio probinsial iti libre a panagsanay nga agmasahe ken ag-foot spa iti mismo a pagtaengan ni Gov. Luis “Chavit” Singson iti Baluarte ditoy babaen ti panangtarawidwid da Joseph ken Jocelyn Antolin, mangimaton iti Salinong ti Ilocandia Training Center.

“Diay Sta. Lucia a lugarmi, P350 ti singirmi iti maysa a session ti panagmasahe isu a gundawayanyo daytoy libre a panagsanay. Malaksid iti dayta, matulonganyo pay dagiti na-stroke a pasiente ta kasapulanda unay ti mangmasahe kadakuada,” kinuna da Edwin ken Jocelyn.

Innayon met ni Edwin a malaksid a libre ti panagsanay, libre pay ti kanen ken paggianan dagiti agsanay nga adayo ti pagawidanda agingga iti pannakalpas ti training.

Kinuna ni Edwin a maipaayan ti agturpos iti panagsanay iti sertipiko a mabalinda nga ipaakredit iti Technical Education and Skills Develop-ment Authority (TESDA) a mabalinda nga iyaplikar iti panagtrabahoda iti ballasiw-taaw.

Maikatlon a batch dagiti 36 a nagsanay idi Agosto 15. Agdagup iti 25 ti bilang ti umuna a batch idinto a 28 ti maikadua a batch.#