Footer

Panagtakaw, nagsasaruno a naisayangkat

SANTIAGO, Ilocos Sur – Nagsasaruno dagiti panagtakaw a naisayangkat kadagiti sumagmamano a barangay ditoy nga ili itay nabiit.

Pakipallot a manok ti natakaw iti dua a farm iti Barangay Caburao, ken selpon ken kuarta ti nakurimes iti Barangay Poblacion Norte ken Barangay Olo-olo.

Natakaw ti 24 a manok iti farm ni Aries de Peralta ken 20 a manok iti farm ni Amonte Aglibut, agpada a residente iti Barangay Caburao.

Iti inisial nga inbestigasion dagiti polis, naammuan a dinadael dagiti mannanakaw ti kasla iket nga alad ti farm sada tinakaw dagiti manok.

Kabayatanna, iti Barangay Poblacion Norte, natakaw ti dua a selpon ken P10,000 iti balay ni Racquel Bataanon idinto a natakawan met ni Lira Cortez, 36, dati nga OFW iti maysa a selpon, 2 nga ATM card, Hong Kong ID ken P1,500.

Agtultuloy ti inbestigasion no asino dagiti mannanakaw.#