Panagtrening dagiti inhiniero agbalin eksperto iti konserbasion, naisingasing

VIGAN CITY – Insingasing ni Vice Governor Deogracias Victor Savellano ti panag-training dagiti inhiniero ti gobierno probinsial tapno makasursuroda maipapan iti panangkonserba kadagiti historikal nga istruktura iti probinsia.

Kinuna ti bise gobernador nga adu dagiti historical structures iti Ilocos Sur ket rumbeng laeng a mapreserbar ken makonserbar dagitoy.

“Adda met ti Engineering Office ti probinsia, dapat ket ag-undergo iti training dagitoy no kasano nga idetermina dagiti historical sites, no ania ti aramiden tapno mapapigsada ken dagiti saan nga aramiden tapno di kumapsut dagiti istruktura,” kinuna ti bise gobernador.

Insingasing ni Savellano ti panagtrening dagiti inhiniero tapno agbalinda nga eksperto iti pannakapreserba ken panangkonserbar dagiti historical structure idinto nga innayonna a sitatallugod unay ti National Museum a mangbayabay kadakuada.

Madama ti restorasion ti Ayala Museum babaen ti National Museum ket agbalinton daytoy a Museum of Ilocandia.#