Panagungar Festival, tinawenton a marambakan

STA. MARIA, Ilocos Sur – Kinuna ni Mayor Thelma Florendo nga agtultuloyton nga aktibidad ti Panagungar Festival ditoy nga ili kalpasan ti naballigi a pannakairusatna idi Easter Sunday.

Kinuna met ni Konsehal Rodrigo Cabatu, chairman ti Sta. Maria Tourism Council, a sustenerenda daytoy a festival a maangay tunggal Easter Sunday agsipud ta idur-asna ti identidad ti ilida ken kas destinasion dagiti turista.

Karaman ti Simbaan ni Nuestra Senora de la Asuncion ditoy kadagiti uppat a baroque simbaan ditoy pagilian iti Unesco world heritage list a pakaibilangan ti San Agustin Church iti Intramuros, Manila, the Miag-ao church iti Iloilo ken ti San Agustin Church iti Paoay, Ilocos Norte.#