PANGALDAW ITI WATERFALLS RESTAURANT

PANGALDAW ITI WATERFALLS RESTAURANT. Inaldaw a reprep dagiti turista a mapan agpasiar iti Villa Escudero Resort a masarakan sadiay San Pablo City, Laguna. Malaksid ti museo a pakakitaan dagiti nagkauna a ramramit, alikamen, eskultura, aruaten, dagiti rebulto dagiti santo, ken nadumaduma a koleksion ni Don Arsenio Escudero, magustuan dagiti sangsangaili ti mangaldaw iti sanguanan ti pagdissuoran ken pagayusan ti water falls (ngato) ken cultural show a pakaipabuyaan dagiti daan a salsala iti pagilian. (Tawid News Magazine)