Pangganakan a baboy, saan a doleout: city veterinarian

VIGAN CITY – Kinuna ni Vigan City veterinarian Dr. Liborio Arce nga agbalin a multiplier dagiti  pangganakan a baboy a ginatang ti gobierno ti siudad ditoy ket mailako dagiti buriasda kadagiti mannalon ken miembro dagiti accredited a non-government organizations ditoy siudad.

Sangapulo a pangganakan a baboy ti gatangen ti city government  tapno maalay-ayan ti panagkurang ti suplay ti baboy ditoy.

Inyunay-unay ni Arca a saan a doleout dagiti baboy idinto a namnamaenna ti napintas ti pannakaipataray ti nasao a programa tapno ad-adu a residente ditoy ti mabenepisiaran. (Nemia Icari)