: Panggatasan a nuang, mapaadu iti BaRangay demofarm | Tawid News Magazine - Weekly Ilocos News 📰

Panggatasan a nuang, mapaadu iti BaRangay demofarm

SAN JUAN, Ilocos Sur – Inrugin ti BaRang-ay demofarm ditoy ti panangpaadu iti morrah buffalo wenno panggatasan a nuang, daytoy ti kinuna itay nabiit ni Dr. Cesar Soller, farm manager ti nasao a demofarm.

Kinuna ni Soller a gagem ti programa ti makapataud iti sangagasut a milking carabaos iti las-ud ti tallo a tawen ket ti gatas a maalada manipud kadagitoy ti libre nga isuplayda kadagiti amin nga agbasbasa nga ubbing iti Ilocos Sur.

Segun ken ni Soller, nasustansia ti gatas ti nuang ket napintas daytoy nga inumen dagiti ubbing tapno maaddaanda iti naan-anay a nutrision.

Innayon pay ti farm manager a mapan a 10-12 a litro ti maalada a gatas manipud iti maysa a morrah buffalo iti kada aldaw  ket mabalinda ti makaukkon iti 1,000 a litro ti gatas iti tunggal aldaw, sapsapado a maiwaras iti tunggal pagadalan.#