Footer

Pannakaaresto pimmatay iti legal officer, imbilin ni Bataoil

SAN FERNANDO CITY – Imbilin ni Police Chief Supt. Leopoldo Bataoil ti madagdagus a pannakatiliw ti gunman a nangpapatay iti legal officer ti gobierno ti Laoag City.

“Agimbestigakami a nainget agingga iti maaresto ti suspetsa. Aramidenmi amin a kabaelanmi a mangsolbar iti daytoy a krimen tapno maikkan iti hustisia ti pamilia ti biktima. (We will leave no stones unturned in this crime until we arrest the suspect. We will do our best we can to solve this misdeed and give justice to the family of the victim),” kinuna ni Bataoil.

Kinuna ni Police Senior Supt. Roman Felix, provincial director ti Ilocos Norte a  kasangsangpet ni Atty. Jose Antonio “Pepoc” Pastor, 49, residente iti Barangay Gomburza St., Barangay 8, Laoag City, iti opisinana idi kellaat a simrek iti opisinana ti di pay nabigbig nga armado a lalaki ket pinaltoganna ti abogado iti sumagmamano a daras.

Nagsagrap ni Pastor iti dua a sugat iti ulo ken iti likud a puon ti nakatayanna babaen ti cal. 45.

Kinuna ni Felix maysa a kitkitaenda a motibo ti  pammapatay dagiti kaso nga ig-iggaman ni Pastor, dati a konsehal.#