Footer

Pannakabutos ni Obama, pagsayaatan ni Pinoy: Cong. Eric

CANDON CITY – Pagimbagan dagiti Filipino nangruna dagiti Ilokano nga agnanaed itan idiay Estados Unidos ti pannakabutos ni Barack Obama, maysa nga American-African, a kabarbaro a presidente, segun ken ni Deputy Speaker Eric Singson.

“Maibilang ni Apo Obama iti minority ta naggapu ti pamiliana idiay Kenya, ket kas maysa a minority, kitaenna ti pakaseknan ti minority, kas koma dagiti immigrant nga imbilangdan a pagilianda ti Estados Unidos,” kinuna ni Singson.

Maipalagip a riwriw a Pinoy ti agnanaeden idiay Estados Unidos, ket naaktiboda a nakipartisipar iti kalkalpas nga eleksion.

Kinuna pay ni Singson nga agsipud ta majority ti nangbutos ken ni Obama, daytoy ngarud ita ti mang-unify iti Amerika ken mangsolbar iti agdama a krisis iti ekonomia a sangsanguenna.#