Pannakaingato regulatory fees, nakontra

VIGAN CITY – Kinontra ti dati a bise mayor ditoy ti pannakaingato ti regulatory fees dagiti lugan ditoy siudad.

Karaman iti regulatory fee a naisingasing a maipangato ti franchise fee ti traysikel manipud iti P250 iti P1,000 kada tallo a twen.

Kinuna ni Konsehal Franz Ranches a bassit laeng ti mapastrek ti siudad iti pannakaingato ti regulatory fees ket ipamaysa la koman ti siudad ti naing-inget a panagkolekta iti buis.

Nasurok a P1 milion ti mapattapatta a mapastrek iti regulatory fees.

Kinuna pay ni Ranches nga awan pagdaksanna nga ipangato ti regulatory fees no la ketdi resonable dagitoy.#