Pannakaipasdek river control, naidagadag

VIGAN CITY – Indagadag ni Bokal Mario Subagan ti pannakaipasdek dagiti river control tapno malapdan ti pannakalayus dagiti barangay ditoy probinsia.

Kinuna ni Subagan a kiniddaw kenkuana dagiti barangay captain ti pannakabangon ti river control iti lugarda gapu iti amakda a malayusda aglalo no panagtutudo wenno adda bagyo a sumangbay.

Kinuna ni Subagan a nakurukor ti sumagmamano a barangay iti Salcedo, Galimuyod, ken Sta. Lucia gapu iti panagdinakkel ti Amburayan River nga aggapu iti Sigay, ken Del Pilar nga agayus iti Salcedo a mapan iti Sta. Cruz.

Kinuna ni Subagan a no saan a masigud a maaramid ti river control dagitoy a lugar, posible a dakdakkel ti damage a sagrapenda iti masakbayan.#