Pannakaisubli ti ferryman, inaprobaran ti hunta probinsial

ALILEM, Ilocos Sur – Segun iti bise gobernador, inaprobaran ti sangguniang panlalawigan itay nabiit ti pannakaisubli ti ferryman nga agiballasiw kadagiti agindeg kadagiti barangay nga adda iti nasursurong a paset daytoy nga ili.

Kinuna ni Vice Gov. Jerry Singson a suelduan ti gobierno probinsial ti ferryman tapno adda agiballasiw kadagiti agindeg kadagiti nasursurong a barangay ditoy nga ili.

Kinuna ni Singson nga adda dagiti barangay a nasurong ket marigatan dagiti agindeg nga agbiahe a magna iti rangtay isu a kasapulan ti ferry man a mangiballasiw kadakuada iti karayan.

Kinuna ti bise gobernador nga amin nga upland municipalities nga adda dadakkel a karayanda, adda ferrymen a susuelduan ti gobierno probinsial ngem iti laeng las-ud ti innem a bulan.#