Footer

Pannakasimpa ti Rivero Street, Vigan City, naidagadag

VIGAN CITY – Naidagadag ti panangiprioridad ti gobierno probinsial ti pannakailatang ti pondo para ti pannakatarimaan ti Rivero Street ditoy siudad.

Segun ken ni Konsehal Juan Carlo Medina, indagadagna ken ni Gov. Ryan Singson ti pannakapasayaat ti kalsada ti Rivero Street agsipud ta abut-aboten nupay kangrunaan a pagdalanan dagiti traysikel ken dyip ken dadduma pay a lugan a mapan iti University of the Philippines, iti Baluarte a pagtaengan ni dati a Gov. Luis “Chavit” Singson wenno iti kaparanget nga ili ti Caoayan.

Kinuna ni Medina nga imbagana iti gobernador nga ilungalongna ti pannakaaramid ti maysa a resolusion para iti pannakapasayaat ti nasao a kalsada nga ilatanganto ti gobierno probinsial inton adda sumangpet a pondo.

Ti gobierno probinsial ti akinsaklaw iti Rivero Street a sakup ti Barangay 9 (Cuta).#