Pannuporta iti Palawan , impaay ti sangguniang panlalawigan

VIGAN CITY – Maysa a resolusion ti impasa ti sangguniang panlalawigan a mangited iti suporta iti Palawan iti kampaniana a magun-od ti St. Paul Subterranean National Park wenno Puerto Princesa Subterranean River National Park a maysa kadagiti pito a kabarbaro a pagsidsiddaawan iti sangalubongan.

Addaan ti nasao a parke iti aganay walo a kilometro nga underground river a magna iti kueba sakbay a rummuar iti baybay.

Makita iti kueba dagiti stalactites ken stalagmites ket iti naun-uneg a pasetna, adda maysa a chamber a nakapormaran dagiti nadumaduma ti marisna a batbato.

Nakalista daytoy a parke ti nakaparsuaan iti Unesco Heritage List kas met iti Tubbataha Reef iti Palawan met laeng.#