Footer

Pantalan, masimpa

SAN ESTEBAN, Ilocos Sur – Mapapintas ken masimpa ti pantalan babaen ti pannakapaatiddog ti breakwater daytoy babaen ti panangpondo ti Department of Transportation and Communication (DOTC), daytoy ti impakaammo ni  Mayor Chester Elaydo bayat ti interbio kenkuana ti DZTP ken Tawid News Magasin.

“Maikkan iti extension ti breakwater tapno umat-atiddog,” kinuna ti mayor idinto nga innayonna a karaman ti pannakapasimpa ti Villa Quirino port iti programa ti turismo ti ili ta ditoy ti maysa a destinasion dagiti bakasionista.

Kinuna ni Elaydo a sumurok-kumurang P6.8 milion ti pondo ti proyekto babaen ti DOTC.

Maisarunonto ti riprapping wenno seawall iti barangay San Pablo, segun iti mayor.#