Paputok a nakumpiska idi Paskua, dinadael dagiti polis

CANDON CITY – Dinadael dagiti polis dagiti nakumpiskada idi Paskua a paputok ken pyrotechnics babaen ti panangirennebda iti danum iti sanguanan ti police station ditoy idi Mayo 2.

Inimatangan da Police Supt. Richmond Tadina, hepe ti polis ditoy, dagiti pannakabagi ti Bureau of Fire Protection ken ti korte ti pannairenneb dagiti nasao a paputok iti danum.

Sakbayna, impalubos ti korte ti pannakadadael dagiti nasao a paputok tapno saanda a pakaigapuan iti ruam bayat ti pannakaipempenda iti police station ditoy.

Maipalagip a kinumpiska dagiti polis dagiti nasao a paputok a lako ti maysa a negosiante ditoy siudad.#