Para tadi a manok, natakaw

VIGAN CITY – Natakaw ti para tadi a manok ti maysa a security guard sadiay Barangay Nagsangalan ditoy siudad a mapapati a naiwayat idi rabii ti Agosto 15.

Naduktalan ni Allan Molina Austria, 40, naasawaan, guardia ken residente iti Barangay Capangpangan ditoy siudad a mapukpukaw ti innem a para tadi a manokna nga aggatad iti P30,000.00 idi agarup alas siete ti bigat ti Agosto 16.

Segun ken ni Molina, adda a nakawayway dagiti manokna iti talonda sadiay Nagsangalan idi agarup 3:00 ti malem ti Agosto 15.

Di pay ammo no asino ti nangtakaw kadagiti manok ni Molina.#