Parking fees para dyip, bus, traysikel, maipakpakaten

VIGAN CITY – Maipakpakaten ditoy siudad ti Vigan ti ordinansa a mangituding iti panagbayad iti parking fee dagiti lugan a pakaibilangan dagiti bus, dyip, traysikel, ken dadduma pay a public utility vehicles.

Inamendaran ti Ordinance No. 2, series of 2014, ti Section 359 ken 361 ti Ordinance No. 6, series of 2006 wenno Revenue Code of Vigan City.

Dagiti sumaganad ti baro a rate ti parking fees iti pannakaamendar ti (1) Section 359: a) Cars, jeeps, and light utility vehicles – P15.00/entrance; b) Delivery vans and trucks – P30.00/entrance; c) Tricycle for hire – P 5.00/entrance;
2) Section 361:

a) Mini-Bus: Laoag/Bangued-bound 45 seater and above – P50.00/trip; Laoag/Bangued-bound less than 45 seater – P35.00/trip; San Fernando, La Union-bound mini-buses – P50.00/trip;

b) Passenger Jeepney: Sta. Maria, Ilocos Sur – bound – P10.00/trip; Sto. Domingo, Ilocos Sur – bound- P10.00/trip; Metro Vigan – bound – P10.00/trip; Metro Vigan – Caoayan – P10.00/trip; Metro Vigan – Sinait – P10.00/trip;

c.) Tricycles: Regulated Parking Areas – P5.00/day

d.) Dadduma pay a buses – mabalinda ti ag-avail kadagiti pasilidad ti bus terminal kalpasan ti panangaprobar dagiti komite ti Interim Market (Annex) ken ti Bus/Jeepney Terminal.#