CABUGAO, Ilocos Sur -Nainaguraran ti maysa a school building ti Sisim National High School ditoy nga ili idi Septiembre 22, 2011.
Mismo a da Mayor Edgardo “Ediboi” Cobangbang, Vice Mayor Danny Gazmen ken dagiti konsehal ditoy nga ili dagiti kangrunaan a sangaili iti pannakainagurar ti nasao a pasdek a naangay kalpasan ti misa.
Napunduan ti dua a kuarto a classroom building iti P1.2 milion manipud iti bingay ti munisipio iti RA 7171.
Naammuan nga agdagup iti 66 dagiti estudiante iti nasao a high school.
Kaluklukat ti klase ti first year ditoy a pagadalan idi Hunio daytoy a tawen.#