Pasdek ti Bureau of Fire Protection, mabangon

VIGAN CITY – Batang metten ti Bureau of Fire Protection a maibalayan, daytoy ti kinuna ti Mayor Eva Marie S. Medina kalpasan ti pannakaisayangkat ti ground breaking ceremony para iti maipasdek a building daytoy a buro idi Pebrero 18.

Maipatakder ti pasdek ti BFP iti lauden a paset ti police station ditoy a siudad a masarakan iti Barangay VII (Sta. Elena) ditoy siudad.

Segun ken ni Medina, agbalor ti maipasdek a fire station iti P4.5 milion.

Kinuna ti mayora a kasapulan a mapabaro metten ti paggianan ti BFP agsipud ta addan naipatakder a baro a police station ken Bureau of Jail Managment and Penology building ditoy siudad.

Nagyaman met ni City Fire Marshall Floro Obrero ken ni Mayor Medina iti maipatakder a baro a fire station ket impasingkedna nga ad-adda pay a sumayaat ti serbisio nga ipaayda kadagiti agindeg iti siudad ti Vigan.#