CAOAYAN, Ilocos Sur – Nainaguraran ti kabarbaro a a Nueva Segovia Consortium of Cooperatives Plaza idi Marso 27 ditoy nga ili.
Kangrunaan a sangaili dagiti provincial officials nga indauluan da Vice Gov. Deogracias Victor Savellano ken tinabunuan dagiti municipal officials nga indauluan ni Mayor Germie Singson-Goulart, Vice Mayor Gemma Padaong ken dadduma pay .
Masarakan dagiti nadumaduma a business establishments iti umuna a kadsaaran ti NSCC Plaza, hostel iti maikadua ken function hall iti maikatlo a kadsaaran.
Iti agdama, ni Divina Quemi ti agdama a general manager ti nasao a consortium.
Nabuangay ti NSCC idi 1992 ket nagbalinen a maysa kadagiti kadakkelan a kooperatiba ditoy probinsia.#