PASKUA ITI BURNHAM PARK, BAGUIO CITY

PASKUA ITI BURNHAM PARK, BAGUIO CITY. Maysa kadagiti paborito a nagpallailangan dagiti turista ken bakasionista iti kalkalpas a selebrasion ti Paskua ti dan-aw sadiay Burnham Park, Baguio City (ngato) no sadino nga adda dagiti maipaabang a bilog iti nadumaduma a sukog a dagiti mismo umabang ti aggaud. Malaksid iti dan-aw, mabuya pay iti nasao a parke ti dancing fountain, ken dagiti dadduma pay a pakalinglingayan iti panangselebrar iti Paskua ditoy siudad. Naammuan ti Tawid News a nasurok a maysa a milion ti simmang-at iti Baguio City tapno agbakasion ken mangselebrar iti Paskua ditoy a siudad a nalatak a tourist destination gapu iti nalamiis a klimana ken ipampannakkelna a nabaknang a kultura. (Tawid News Team)