Passport services, maisayangkat

VIGAN CITY – Sabali manen a serbisio ti maisayangkat ditoy inton Mayo 31 para kadagiti kayatda ti maaddaan wenno agpabaro iti pasaporte.

Initiatibo daytoy ti gobierno probinsial babaen ti pannakikammayyet ti Department of Foreign Affairs para kadagiti agindeg ditoy probinsia ken kabangibangna tapno saandan a mapan pay iti San Fernando City para iti pannakaproseso ti pasaporteda.

Daytoy ti maikadua a mobile passporting a naisayangkat ditoy nga ili.

Itay Mayo 10, nangipaay ti Vigan City government iti passport service babaen met laeng ti tulong ti DFA para kadagiti agindeg iti siudad ken kabangibangna nga ili.#