Footer

Pastor, napapatay

GREGORIO DEL PILAR, Ilocos Sur – Maysa a pastor ti maysa a sekta ti napapatay itay nabiit idiay barangay Concepcion ditoy nga ili.

Nainaganan ti biktima a ni Dickson Onggay, 37, naasawaan, pastor ti Seventh Day Adventist ken prinsipal iti Concepcion Adventist Academy ditoy.

Di pay nabigbig ti pimmatay kenkuana.

Iti inisial nga imbestigasion dagiti polis, rummuar koman ti biktima iti pagtaenganda idi napaltogan ti ulona a puon ti nakatayanna.

Nakarekobre dagiti pannakabagi ti linteg ti maysa a kapsula ken buli ti kalibre 45 iti nakapasamakan ti krimen.

Di pay ammo ti motibo ti pammapatay.#