BANAYOYO, Ilocos Sur – Rinambakan ti Barangay Banbannaal, ditoy nga ili ti piestana itay nabiit a nakaitampokan ti kangrunaan a produktona a patupat.
Ti Rural Improvement Club ditoy ti kangrunaan a nangimaton iti Maika-3 a Patupat Festival ditoy a barangay.
Nagsasalipan dagiti barangay ditoy ti panagaramid iti kabassitan, kadakkelan, ken kaimasan a patupat.
Kinuna ni Barangay Captain Aida Orpilla nga adun ti agor-order kadakuada iti patupat gapu iti kinaimas ti lutoda a tinawidda pay manipud kadagiti appoda.#